Dili, Timor-Leste – Komisaun Nasional Desportu (NSC) realiza ho susesu Sesaun Edukasaun Anti-Doping iha loron 18 Outubru, 6 Novembru no 8 Novembru 2025, hodi halibur atleta no treinador liu 150 ne’ebé prepara ba SEA Games 2025 iha Tailandia. Programa ida-ne’e marka milestone importante ida iha Timor-Leste nia kompromisu ba desportu ne’ebé moos no justu.
Durante sesaun tolu, partisipante sira hetan edukasaun komprehensivu kona-ba direitu no responsabilidade atleta, Autorizasaun Uzu Terapeutiku (AUT), Lista Proibidu, no estratéjia sira atu prevene doping ne’ebé la ho intensaun. Importante liu mak, atleta no treinador hotu-hotu kompleta ho susesu programa ADEL (Anti-Doping Education and Learning) ba Athletes Nivel-Internasional no Treinador Rendimentu Aas, ne’ebé dezenvolve husi Ajensia Mundial Anti-Doping (WADA).
Ho partisipante 100% remata kursu ADEL no envolvimentu ativu durante sesaun sira, Timor-Leste kontinua harii kultura ida-ne’ebé bazeia ba integridade, responsabilidade no kompetisaun ne’ebé moos. Esforsu hirak-ne’e asegura katak atleta nasionál sira preparadu hotu atu reprezenta Timor-Leste ho orgullu, justisa no respeitu iha nivel rejionál iha SEA Games 2025.
